滿足味蕾同時能盡情打卡～「香江花月」

十月尾喇，終於等到天氣慢慢轉涼，又係時候約朋友去打邊爐🤤今次打邊爐嚟啲新意思，就係穿越時空，去返50年代舊香港！位於佐敦嘅「香江花月」店內及美食設計得非常精巧細緻，務求令食客滿足味蕾同時能盡情打卡～首先入座後會送上杞子雪梨茶，個杯好得意，入面有一條小金魚❤️ 等上菜嘅時候就出去調配醬料，見佢哋嘅醬料選擇非常多，仲要係用特色公雞碗好盞鬼😂 再望望四周，發覺餐廳全方位都係打卡位，震驚！店內隨處可見懷舊物品例如古董紡織機、郵筒、留聲機、唱片機、懷舊電話等等，相信花咗唔少心機去設計🫡 蜜瓜鮮魚湯底 大大件翠綠色蜜瓜墊底，再放入炸到外皮香脆嘅魚，開火同時店員會將蜜瓜切成一件件方便食用～魚湯鮮而不腥、濃而不膩，夾雜微微果香甜味；而魚肉嫩滑，魚皮嘅部分越嚼越香，忍唔住飲咗兩碗湯，然後KO條魚先慢慢打邊爐🥢 太極兩儀 分別係紅酒安格斯牛肉同黑松露牛乳豬頸肉，肉片被捲成好似玫瑰花咁嘅形狀，店員細心提示記得將肉類分別浸喺紅酒同埋牛乳入面，等肉類充分吸收精華先好落鍋～安格斯牛肉牛脂濃香，吸收咗酒香嘅牛味被激發；豬頸肉黑松露味道濃郁，經過牛乳嘅浸透後口感更加滑嫩✔️ 一帆風順（秋葵蟹籽墨魚滑） 擺盤本身已經夠IGABLE！一帆風順個名仲好有意思：秋葵作為一隻船咁嘅形狀，切片嘅蘿蔔就好似風帆咁，一隻隻小船插喺冰盤上面好靚呢✨ 味道分別係鹹蛋黃味、青咖哩味同黑松露味，秋葵鮮嫩爽脆，Q彈嘅蝦滑口感加上粒粒蟹籽喺口腔中爆開，咸鮮有趣！ 七色丸 全部都係手打墨魚丸，滿足想食多款口味嘅願望😉 分別有南乳椰芋、鹹蛋黃、紅咖哩、青咖哩、黑松露同蟹籽～食墨魚丸重在講究墨魚原有嘅鮮香滋味，呢度嘅墨魚丸口感富有彈性，緊實得嚟帶點脆爽，唔知要經過幾多次嘅捶打，先可以打得出呢一口嘅Q彈呢？七彩色嘅丸子喺湯中翻滾，望住就覺得好誘人，一啖一粒超滿足😆 天倫鍋心（火鍋點心） 整體可以用兩個字嚟形容：過癮！香江花月將點心同火鍋兩者結合起嚟，分別有燒賣、蝦餃、水晶餃、菜苗餃、粉果、水晶奶黃包同埋流沙包，更有白兔仔、金魚、南瓜等造型，過份可愛！由於造型實在太特別，基本上唔放入口嗰一刻都唔知入面係咩餡～點心個外皮基本上都係水晶皮嚟，放入鍋底瞬間打開新世界！可能大家對打邊爐落甜味嘅水晶包感到疑惑、新奇，但我就有被驚喜到喇，原來打邊爐落點心係咁好味🤟（注意點心唔好淥太過耐，因為個水晶皮比較易散～） 七彩餃子 如其名有七款顏色，同樣放喺十分養眼嘅架上，分別係姬松茸野菌餃、和牛香茜餃、冬菇薺菜餃、金華火腿菜肉餃、午餐肉粟米餃、蟲草花餃同蟹肉黑松露餃～每隻餃子都好飽滿，餃子皮帶少少厚度，重磅份量食完一隻都有少少飽😚 花花綠綠 各式各樣嘅蔬菜都放喺一個盒子入面，分別有娃娃菜、皇帝菜、粟米、車厘茄、西洋菜等等，唔使單點蔬菜，方便選擇困難症人士，營養均勻～ 花月豪庭 一定要相機飲先嘅超豪華飲品😚 杯中係加咗藍莓同蘋果嘅北海道牛奶，碟上放滿水果同乾花，中間有一件甜甜燒消棉花糖蛋糕，做到好似一個迷你花園咁，係甜品同飲品嘅結合，令人賞心悅目👀 奇幻歷險（Mocktail） 奇異果配豆奶及忌廉梳打🥝上枱時店員會為飲品注入氣泡，隨著氣泡爆破陣陣香味撲鼻而來，滿足視覺嗅覺同味覺🤭 🥢香江花月 @victorianera_hk #香江花月#victorianera#舊香江#50年代香港#佐敦美食#新鮮食材#打卡#相機先食#養生美顏低敦#火鍋湯底#舊物#火鍋#Hotpot#火鍋套餐#打邊爐#打卡able#打卡餐廳#hkhotpot#hotpothk#點心#安格斯牛肉#hkfoodie#foodiehk#hkfood#foodhk#食勻全世界